Sondag 20 Mei 2012 Oggenddiens om 09:00 gelei deur Ds Dreyer Potgieter

Skriflesing  Deut. 6:6-9; Deut 11:1-32 

Druk Christus af op mekaar

Die verhouding tussen Israel en God berus op wedersydse liefde. So ook tussen ons as die nuwe verbondsvolk? en God. God het mense op grond van sy liefde as sy volk uitverkies. In antwoord op God se liefde moet ons as sy volk leef. Daarvoor moet sy woorde deel van ons lewe word. Dit moet ons oral vergesel, ons moet altyd aan die woorde van God herinner word. Die wet van God was nooit bedoel as ’n eksterne dwangbuis nie, maar moet deel van ’n gelowige se hele lewe word. Dit moet nie net op die bladsye van ’n boek staan nie, maar moet ook op die tafels van ons hart geskryf staan. Soos Israel moet ons God se woorde van geslag tot geslag oordra, sodat dit deur die eeue die rigsnoer vir gelowiges kan bly. Wanneer dit in ons gedagtes is, en in ons harte leef, word dit ook werklik en lewend in ons daaglikse bestaan. Dan druk ons Christenskap en geloof soos ’n stempel af op die mense om ons.

Daar is niks so sleg soos iemand wat voorgee om iets te wees en nie is nie. Veral die jongmense van vandag haat dit as iemand vals is. Daar is so baie Christene vandag wat by die kerk Christen speel en in die lewe nie Christen is nie. Om Christen genoem te kan word is nie iets wat jy jou self kan noem nie. Mens noem jou ‘n Christen as hulle Christus in jou sien. Christus moet afgedruk wees in jou lewe, dan kan jy Christus ook afdruk op ander se lewe.

Sondag 20 Mei 2012 Aandbyeenkoms en katkisasie om 17:00

Pinksterweek 21 – 24 Mei 2012  om 18:30 – 19:00

Maandag           Juventus se ”Pinkster-play”

Dinsdag            Pinkster oordenking  - Wag

Woensdag         Pinkster oordenking – Belofte

Donderdag         Sop, sjerrie, saamwees, saamsing met Afriliki’s en saam bid

Vergaderings hierdie week

Breë kerkraad en Sensura Morum           Sondag 20 Mei 2012 na Aandbyeenkoms

Fondsinsameling, Manne en golfdag        Maandagaand

Manne inspirasie                                    Vrydagoggend 05:00

Golfdag 13 September 2012

Kontak Johan Potgieter

Gemeentekamp 12-14 Oktober 2012

Tema : Juig jy of swyg jy?

Daar is nog plek beskikbaar – kontak Gys Meiring of die kerkkantoor

Sondag 25 Maart 2012 Oggenddiens gelei deur Ds Dreyer Potgieter

Skriflesing Johannes 10

In die NGB Art. 1 bely ons dat God die “alleroorvloedigste bron is van alles wat goed is”. Hiermee bedoel ons dat God vir sy kinders sorg, hulle welstand op die hart het, en hulle oorlaai met liefde en genade.  Op geen beter manier word God se goedheid egter sigbaar as in die werke van ons Here Jesus Christus nie. Dit is ook wat ons teksgedeelte ons vanoggend wil kom leer: Wanneer ons bely dat God goed is, kan ons dit aan die hand van ‘n beeld van ‘n herder of skaapwagter verduidelik, waar God die herder en ons die kudde is. Dit impliseer egter onmiddellik dat ons God se goedheid slegs kan beleef wanneer ons in ‘n verhouding met Hom lewe.

Daarom is ons tema vanoggend: Ons beleef God se goedheid in ‘n persoonlike verhouding met Hom. Ons preek gaan die volgende struktuur aanneem:

• Ons verhouding met God – spesiaal en persoonlik:
  • Wie is die Herder?
  • Wie is die skape?
• ‘n Lewe in persoonlike verhouding met God:
  • Waarheid - Ken
  • Weg - Deurgang
  • Lewe - Gee

Sondag 25 Maart 2012

Geen aandbyeenkoms of katkisasie by ons gemeente nie.

Kom beleef ‘n aangrypende uitvoering van Neil van der Watt se paaskantate vanaand om 18:00 by die Gereformeerde Kerk Centurion, aangebied deur  Centurion Cantus Koor en Wierdepark Suid Kantory

Eredienste gedurende die vakansietyd

Elke Sondagoggend – Gewone erediens om 09:00

Geen aandbyeenkomste gedurende die vakansietyd

Vrydag 6 April 2012 – Goeie Vrydag Diens om 08:00 die oggend

Verlofreëlings

Ds Willem is met verlof vanaf 26 Maart - 9 April 2012

Skakel asb vir Ds Dreyer Potgieter gedurende hierdie tyd as u ’n krisis het.

Sy nr is 083 694 2753

Die Kerkkantoor is ook gesluit vanaf 30 Maart – 10 April 2012